Betalar du julehandelen på kreditt? Ver forsiktig

18.12.2019 — Er handlelista til jul lang, men kontoen tom? Det er lett å ty til eit forbrukslån, men det blir fort dyrare enn forventa. Sjekk kor mykje det faktisk vil koste om du betalar resten av julehandelen på kreditt.
Bildet viser noen som bestiller via mastercard på nett

JULEHANDELEN PÅ NETT: Ver forsiktig om du handler inn til jul på kreditt. Det blir fort dyrare enn forventa. FOTO: Pexels.com

Å kjøpe i dag og betale i januar kan vere freistande, særleg ved juletider når ein skal kjøpe gåver og fylle kjøleskapet. Nordmenn tek opp stadig meir forbrukslån. Ein rapport frå Finanstilsynet viser at nordmenn ved utgangen av 2018 hadde 21 milliardar kroner i forbrukslån som hadde gått til inkasso.

Hugs at det må betalast tilbake

Før du vel å finne frem kredittkortet, bør du tenkje på korleis økonomien ser ut når fakturaen frå kredittkortselskapet kjem i januar.

– Ver bevisst på at lånet skal betalast tilbake. Viss du ikkje kan innfri heile gjelda og rentene byrjar å leggast til lånet, blir julegåvene fort mykje dyrare enn du såg for deg, seier direktør i Forbrukartilsynet Elisabeth Lier Haugseth.

Julehandelen på kreditt? Her er våre råd:

  • Sjekk prisen. Effektiv rente og totalpris har med alle kostnader.
  • Sjekk gebyra. Dersom du tek ut kontantar eller overfører pengar frå kredittkort til brukskonto, vil det normalt koste meir enn ved varekjøp. Sjekk prislista for ditt kort.
  • Ver obs på gebyr i butikken. Nokre nettbutikkar krev gebyr ved betaling med bestemte kort. Butikken må i tilfelle opplyse kundane om dette.

Hugs at om du berre betalar  minstebeløpet, vil renta byrje å løpe på resten av gjelda.

14.02.2020

Eiendomsmeglere sender ulovlig markedsføring på SMS

Privatmegleren sender forbrukere markedsføring på SMS etter at de har lastet ned salgsoppgaver, uten å ha fått samtykke til det. Nå orienterer Forbrukertilsynet bransjen om regelverket.